lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

به‌ پێی راپۆرتی هه‌واڵده‌رییه‌کان، رژێمی جینایه‌تکاری ئاخوندی له‌ درێژه‌ی سیاسه‌تی ترس و وه‌حشه‌ت نانه‌وه‌ له‌ ئێران، ئه‌مرۆ چوارشه‌ممه‌ ٧ی ره‌شه‌مه‌ سێ لاوی له‌ یه‌ک کاتدا له‌ شاری که‌ره‌ج له‌به‌ر چاوی خه‌ڵکه‌وه‌ له‌ سێداره‌ دا. به‌ پێی ئه‌م راپۆرته‌ رژێمی دژه‌ مرۆڤی ئاخوندی ئه‌مرۆ سێ لاوی به‌ ناوه‌کانی حه‌بیب، حه‌مید و ئه‌رسه‌لان له‌ سێداره‌ داوه‌ که‌ به‌ وته‌ی به‌رپرسانی قه‌زایی رژێم تاوانی ئه‌و سێ زیندانییه‌ ته‌جاوز بووه‌. جێگه‌ی باسه‌ که‌ رۆژی رابردووش سێ که‌سیتر به‌ تاوانی دژایه‌تی له‌گه‌ڵ خوا له‌ گه‌ره‌کی زۆرئاوای که‌ره‌ج له‌به‌ر چاوی گشتی له‌ سێداره‌ داوه‌، هه‌روه‌ها رۆژی رابردوو دوو زیندانیش له‌ لایه‌ن جینایه‌تکارانی رژێمه‌وه‌ له‌ زیندانی سمنان ئێعدام کراون.

کۆڵبەرێک لە سنووری مەریوان بەهۆی راوەدوونانەوە کەوتەبەر ماشێن

راوەدوونانی کۆڵبەران لەلایەن هێزە نیزامییەکانەوە لە سنووری باشماخی مەریوان، برینداربوونی کۆڵبەرێکی کوردی لێکەوتەوە. بەپێی راپۆرتی هەواڵدەریی کوردپاØ› رۆژی یەکشەممە رێکەوتی ٤ی رەشەممە کۆڵبەرێک بەناوی ئیبراهیم سەعیدی‌نیا تەمەن ٢٥ ساڵ و خەڵکی گوندی "پیرسەفا"ی ناوچەی مەریوان، لەکاتی راوەدووناندا کەوتۆتە بەر ماشێنی بارهەڵگر و بەتوندی بریندار بوو. بە وتەی شایەتحاڵان، ئەو کۆڵبەرە لە کاتێکدا ویستوویەتی رێگری لە دەستبەسەرداگرتنی کۆڵەکەی بکات، و بەو هۆیەوە هێزە نیزامیییەکان شوێنی کەوتوون و لە ئەنجامدا کەوتۆتەبەر ماشێنێکی بارهەڵگر. دەگوترێت کە ئەو کۆڵبەرە کوردە بەهۆی دۆخی خراپی جەستەیەوە هەنووکە لە نەخۆشخانەی شاری مەریوان لەژێر چاوەدێریی پزیشکی دایە. لەلایەکی دیکەوە، رێکەوتی ٤ی رەشەممە کەسێک بەناوی ئاوات و خەڵکی شاری پاوە، کە لەسەر سنوور سەرقاڵی کار کردن بووە، سەرجەم کەلوپەلەکانی، کە سیگار بووە، لەلایەن هێزە نیزامییەکانی حکوومەتی ئێرانەوە لە نزیک شاری نۆدشە و لە شوێنیک بەناوی "کەلی چنارە" دەستی بەسەردا گیراوە.

مه‌وادی مۆخه‌در له‌ ٢٠ ساڵدا ٥٣ هه‌زار ئێرانی کوشتووه‌

به‌ پێی راپۆرتی هه‌واڵده‌رییه‌کان، به‌ پێی ئه‌و ئامارانه‌ی له‌ ستادی دژایه‌تی له‌گه‌ڵ مه‌وادی مۆخه‌در تۆمار کراوه‌، ٥٣ هه‌زار ئێرانی له‌ ماوه‌ی ٢٠ ساڵی رابردوودا به‌ هۆی به‌کارهێنانی مه‌واده‌وه‌ مردوون. حه‌مید سه‌رامی به‌رێوه‌به‌ری ده‌فته‌ری لێکۆڵینه‌وه‌ی ستادی دژایه‌تی له‌گه‌ڵ مه‌وادی مۆخه‌در رایگه‌یاند، ئه‌م قه‌یرانه‌ سوومه‌ رووی کردووه‌ته‌ ناوو بنه‌ماڵه‌کان، مه‌دره‌سه‌کان، زانکۆکان، گه‌ره‌که‌کانی شار و دێهات، و ده‌بێت به‌ هه‌موو تواناێکمانه‌وه‌ به‌ره‌وو رووی ئه‌و قه‌یرانه‌ ببینه‌وه‌. ناوبراوو وتی به‌ پێی ئاماره‌کان مه‌وادی مۆخه‌در یه‌ک میلیون و سێسه‌دو بیست و ێنج هه‌زار که‌س له‌ خه‌ڵکی سالمی کۆمه‌ڵگای گیرۆده‌ کردووه‌ که‌ ٥٨ له‌سه‌دیان له‌ ژێر ته‌مه‌نی ٣٤ ساڵ و ٩١ له‌سه‌دیان له‌ جنسی نێرینه‌ن، هه‌روه‌ها ٥٣ له‌سه‌دیشیان ساحێب کارن و ٦٣ له‌سه‌دیان ژن و منداڵیان هه‌یه‌. هه‌روه‌ها ٦٨ له‌سه‌دی تووشبووان به‌ نه‌خۆشی ئه‌یدز له‌ رێگای مه‌وادی مۆخه‌دره‌وه‌ تووشبوون و لانیکه‌م ٦ میلیون له‌ حه‌شیمه‌تی ئێرانی به‌ خۆیه‌وه‌ گیرۆده‌ کردووه‌.

خۆکوژیی لاوێکی تەمەن ٢٠ ساڵ لە ناوچەی سنە

لاوێکی تەمەن ٢٠ ساڵەی کوردی خەلکی یەکێک لە گوندەکانی ناوچەی ژاوەرۆی سنە، بە زبری چەقۆ کۆتایی بەژیانی خۆی هێنا. بەپێی راپۆرتی هەواڵدەریی کوردپا، ئەحمەد غوڵام رەزایی کوڕی عەلی و خەڵکی گوندی تەوریوەری سەربە ناوچەی ژاوەرۆی سنە، بەهۆی کێشەی کۆمەڵایەتییەوە هەوڵی خۆکوژی داو لە ئەنجامدا بووە هۆی گیان لەدەست دانی. ئەو هاووڵاتییە رۆژی هەینی ریکەوتی ٢ی رەشەمە هەوڵی خۆکوژی داوە، کە لەکاتی راگواستن بۆ نەخۆشخانە گیانی لەدەست داوە. هەتا کاتی بڵاوبوونەوەی ئەم هەواڵە تەرمی ئەحمەد غوڵام رەزایی لە پزیشکی دادوەریی شاری سنە بەمەبەستی پشکنین راگیراوەو رادەستی بنەماڵەکەی نەکراوەتەوە. کارناسان و توێژەرانی کۆمەڵایەتی "هەژاری، بێکاری، کێشە کۆمەڵایەتی و بنەماڵەییەکان" بە هۆکاری سەرەکیی خۆکوژی لەئێران و بەتایبەت بە ناوچەکوردنشینەکان لە قەڵەم ئەدەن.

سەرکەوتنی دوو مێرمنداڵی کاراتەکاری ناوچەی چۆمی مەجیدخان

دوو مێرمنداڵی وەرزشکاری ناوچەی چۆمی مەجیدخان لەراکابەرییەکانی جامی کاراتەی شاری بۆکاندا سەرکەوتنیان بۆ خۆیان مسۆگەر کرد.

سێ چالاکی سیاسیی کورد لە سەردەشت بە زیندان مەحکووم کران

سێ هاووڵاتیی کوردی خەڵکی شاری سەردەشت لەلایەن دەزگای قەزایی حکوومەتی ئێرانەوە حوکمی زیندانی کرانیان بۆ بڕایەوە. بەپێی راپۆرتی هەواڵدەریی کوردپاØ› لە رۆژانی رابردوودا لقی ١ی دادگای ئینقلابی مەهاباد سێ چالاکی سیاسیی کوردی خەڵکی شاری سەردەشتی هەرکام بە ٤ مانگ زیندانیی تەعزیری مەحکووم کرد. ناوی ئەو سێ هاووڵاتییە کوردەی خەڵکی شاری سەردەشت سیروان حەسەن نژاد، سەید سامان حوسێنی و سیروان نەسروڵڵا زادە راگەیاندراوە. دەزگای قەزایی حکوومەتی ئێران تاوانی ئەو سێ چالاکە کوردەی "چالاکی بە دژی نیزام و تەبلیغات بۆ یەکێک لە حیزبە کوردییەکانی ئۆپۆزیسیۆنی حکوومەتی ئێران" راگەیاندووە.

مه‌ترسی به‌رێوه‌بردنی حوکمی ئێعدامی دوو زیندانی سیاسی کورد

به‌ پێی راپۆرتی هه‌واڵده‌رییه‌کان، گواستنه‌وه‌ی له‌ناکاوی لۆقمان مۆرادی زیندانی سیاسی کوردی مه‌حکوم به‌ ئێعدام بۆ دادگا نیگه‌رانی و مه‌ترسی له‌سه‌ر به‌رێوه‌بردنی حوکمی ئێعدامی ئه‌و زیندانییه‌ زیاتر کردووه‌. به‌ پێی ئه‌م راپۆرته‌، لۆقمان و زانیار مۆرادی به‌ تۆمه‌تی تێوه‌گلان له‌ کوشتنی کۆری ئیمام جۆمعه‌ی مه‌ریوان و دژایه‌تی له‌گه‌ڵ خوا به‌ ئێعدام مه‌حکوم کراون، به‌لام ئه‌و دوو زیندانییه‌ تاکوو ئێستا ئه‌و تۆمه‌ته‌یان قبووڵ نه‌کردووه‌ و ئه‌مه‌یان به‌ پیلانی وه‌زاره‌تی ئیتلاعاتی رژێم زانیوه‌ و له‌ ره‌نجنامه‌ێکدا که‌ له‌ زیندانه‌وه‌ بلاویان کردووه‌ته‌وه‌ رایانگه‌یاندووه‌ که‌ به‌ هۆی شکه‌نجه‌ی رۆحی و ره‌وانی ناچار به‌ دانپێدانان به‌و تاوانه‌دا کراون. جێگه‌ی باسه‌ که‌ رۆژی رابردوو ٣ی ره‌شه‌مه‌ له‌ ناوو زیندان به‌ لۆقمانیان راگه‌یاندووه‌ که‌ بۆ دادگای ده‌به‌نه‌وه‌ که‌ ئه‌م بانگهێشته‌ بووه‌ به‌ هۆی نیگه‌رانی له‌ به‌رێوه‌بردنی حوکمه‌که‌ی.

زیادبوونی ئێعدامه‌کان له‌ ئێران و ئیده‌عای رێفۆرم له‌ ده‌وڵه‌تی رۆحانی

به‌ پێی راپۆرتی هه‌واڵده‌ری رۆیترز، زیادبوونی رێژه‌ی ئێعدامه‌کان له‌ ئێران، هیواکانی نه‌ته‌وه‌یه‌کگرتووه‌کانی بۆ رێفۆرم له‌ ده‌وڵه‌تی حسن رۆحانی له‌ به‌ین برد. به‌ پێی ئه‌م راپۆرته‌ نه‌ته‌وه‌یه‌کگرتووه‌کان رۆژی جۆمعه‌ رایگه‌یاند، ئه‌مساڵ لانیکه‌م ٨٠ که‌س و به‌ به‌راوه‌ردێکیتر ٩٥ که‌س له‌ ئێران تا به‌ ئه‌مرۆ ئێعدام کراون که‌ ئه‌مه‌ هه‌ڵکشانێکی چاوه‌روان نه‌کراوه‌ له‌ سزای ئێعدام که‌ هیوا به‌ رێفۆرمی له‌ ده‌وڵه‌تی رۆحانی له‌ ناوو بردووه‌. جێگه‌ی باسه‌ که‌ راوینا شه‌مداسانی وته‌بێژی مافی مرۆڤی نه‌ته‌وه‌یه‌کگرتووه‌کان له‌ کۆنفه‌رانسێکی خه‌به‌ریدا رایگه‌یاند، له‌ ماوه‌ی ٧ حه‌فته‌ی رابردوو ئێعدامه‌کان له‌ ئێران به‌ شێوه‌ی چاوه‌روان نه‌کراوو زیادی کردووه‌، به‌داخه‌وه‌ ده‌وڵه‌تی نوێ کارکردی خۆی له‌مه‌‌ڕ سزای ئێعدام نه‌گۆریوه‌.

پشتڕاستکردنه‌وه‌ی حوکمی ئێعدامی ٧٣ زیندانی له‌ زیندانی ئه‌هواز

به‌ پێی راپۆرتی هه‌واڵده‌رییه‌کان، رژێمی دژه‌ مرۆڤی ئاخوندی حوکمی ئێعدامی ٧٣ی زیندانی له‌ زیندانی ناوه‌ندی کاروونی ئه‌هواز پشتڕاست کرده‌وه‌. به‌ پێی وته‌ی بنه‌ماڵه‌ی ئه‌و زیندانییانه‌، له‌ رۆژی سێشه‌ممه‌ ٢٩ی رێبه‌ندانه‌وه‌ حوکمی ئێعدامی ئه‌و زیندانیانه‌ پشتڕاست کراوه‌ته‌وه‌. جێگه‌ی باسه‌ که‌ حوکمی ئێعدامی ئه‌و ٧٣ زیندانییه‌ مه‌حکوم به‌ ئێعدامه‌ له‌ دیوانی بالای رژێمه‌وه‌ پشتڕاست کراوه‌ته‌وه‌. ئه‌مه‌ چه‌نده‌مین جاره‌ که‌ حوکمی ئێعدامی زیندانیانی مه‌حکوم به‌ ئێعدام له‌ ماوه‌ی رۆژانی رابردوودا له‌ لایه‌ن رژێمی ئاخوندییه‌وه‌ تأیید ده‌کرێت.

رۆژی زمانی زگماکی و ساڵیادی کۆچی مامۆستا هەژار لەئاوایی "نێ‌" بەرز راگیرا

لە گوندی "نێ‌"‌ی سەر بە شارستانی مەریوان رێوڕەسمێک بەبۆنەی رۆژی زمانی زگماکی و ساڵڕۆژی کۆچی دوایی مامۆستا هەژار شاعیر و نووسەری بەناوبانگی کورد بەڕێوەچوو.
‌بەپێی هەواڵی هەواڵدەریی کوردپا ، رۆژی هەینی رێکەوتی ٢ی رەشەمە دانیشتوانی ئاوایی نێ‌بەمەبەستی گرینگدان بە زمانی دایکی وهەروەها رێز گرتن لەخزمەتەکانی مامۆستا هەژار رێوڕەسمێکیان بەڕێوە برد و تێیدا پێش نوێژی ئەو ئاواییە لەسەر ئەو دوو بابەتە بۆ بەشداران دوا. چالاکانی فەرهەنگیی کورد ماوەی چەندین ساڵە لەژێر ناوی جۆراوجۆردا رۆژی ٢ی رەشەممە بەرز دەنرخێنن و هەروەها لەو رۆژەدا چالاکیش بەڕێوە دەبن. بە وتەی ئەو چالاکانە، ماوەی ٣٥ ساڵە دەسەڵاتدارنی حکوومەتی ئێران رێگەیان بە خەڵکی کورد و باقی نەتەوەکانی دیکەی ئێران نەداوە، کە بە زمانی خۆیان بخوێنن و بە بەردەوامیش وتوویانە زمانی کوردی شوناسی نەتەوەی کوردە و بە هیچ دەسەڵاتێک لەناو ناچێت. لە رێوڕەسمی رۆژی زمانی دایک و ساڵیادی کۆچی دوایی مامۆستا هەژار، ژمارەیەکی بەرچاو چالاکی فەرهەنگی و دانیشتوانی ئاواییەکانی دەورووبەریی شاری مەریوان بەشداربوون و لە رێوڕەسمەکەدا ژیاننامەی مامۆستا هەژار بڵاو کرابۆوە. مامۆستا هەژار( عەبدولرەحمانی شەرەفکەندی) ساڵی ١٣٠ ٠ ی هەتاوی( ١٩٢١)ی زایینی لەگوندی تەرەغەی سەربە شاری بۆکان لە دایک بووە و لە تەمەنی دوو ساڵیدا لە سۆزی دایکی بێبەش بووە و لە هەمان سەردەمی منداڵییەوە تامی سەخڵەتی و تاڵی ژیانی چێشتووە. "عەبدولرەحمانی شەرەفکەندی" دواتر دەبێتە یەکێک لە شاعیران و وەرگێڕانی خاوەن رێچکە و بەناوبانگەکانی کورد و تەنانەت لە ناو فارسەکانیشدا جێگەی خامەکەی دیار و بەرچاوە

هه‌زینه‌ی ژیانی کرێکاران ٣٠ ٠ هێنده‌ی حه‌قده‌سته‌که‌یانه‌

به‌ پێی راپۆرتی هه‌واڵده‌رییه‌کان، به‌رێوه‌به‌ری ناوه‌ندێکی حکومه‌تی به‌ ناوی کانوونی شۆرای ئیسلامی کاری رژێم رایگه‌یاندووه‌که‌، هه‌زینه‌ی ژیان له‌ ئێران ٩٠ ٠ له‌سه‌د زیادی کردووه‌ و ٣٠ ٠ له‌سه‌د له‌ حه‌قده‌ستی کرێکاران زیاتره‌. جێگه‌ی باسه‌ که‌ ئه‌و به‌رێوه‌به‌ره‌ ئاماژه‌ی به‌ سکالای کرێکاران کردووه‌ و رایگه‌یاند که‌ سکالای کرێکاره‌کان وه‌ک خۆی ماوه‌ته‌وه‌ و له‌ نه‌وبه‌تی لێکۆڵینه‌وه‌دایه‌ و تا ئێستا به‌ ئاکام نه‌گه‌یشتووه‌.

له‌رۆژی‌ زمانی‌ دایکدا ٥٠ که‌س دەستبەسەر کران

به‌ پێی راپۆرتی هه‌واڵده‌رییه‌کان، لە بەرەبەرەی رۆژی جیهانیی زمانی دایکی، نزیکه‌ی‌ ٥٠ کەس لە چالاکانی ئازەری زمان کە خەریک بەڕێوەبردنی رێوڕەسمێکی تایبەت بەو رۆژه‌ بوون لە لایەن هێزە ئه‌مینه‌کانی‌ ئێرانەوە دەست بە سەر کران.
ئەو چالاکانە رۆژی پێنجشەمە ١ی ره‌شه‌ممه‌ و بە بۆنەی ٢١ی فێبرییە رۆژی جیهانیی زمانی دایکی لە خانوی یەکێک لە چالاکانی سیاسی بە ناوی â€œئەکبەر ئەبولزادەâ€ لە شاری â€œئەهەرâ€ سەر بە پارێزگای ئازەربایجانی رۆژهەڵات، لە لایەن هێزە ئه‌مینه‌کانی‌ ئێرانەوە دەستبەسەر کراون. جێگه‌ی باسه‌ که‌ ئەو دەستبەسەر کراوانە بۆ شوێنێکی نادیار گوازراونەتەوە و هەتا ئێستا هیچ هەواڵێک لە چارەنوسیان نیه‌.
شاری â€œئەهەرâ€ شارێکی ئازەری نیشینە و زیاتر لە ١٢٨ هەزار کەس دانیشتوانه‌که‌یه‌تی لە پارێزگای ئازەربایجانی رۆژهەڵات هەڵکەوتووە.

پەیامی ناوەندی لاوانی خەباتی کوردستانی ئێران بەبۆنەیی رۆژی جیهانی زمانی زگماکی

رێکەوتی 21ی مانگی فێوریەی هەموو ساڵێک وەک رۆژی جیهانی زمانی زگماگی لە لایەن رێکخراوی یۆنسکۆوە دیاری کراوە. ئەو رێکخراوەیە لە کۆنگرەێکیدا لە مانگی نۆوامبری ساڵی 1999، ئەم رۆژەی وەک رۆژی جیهانی زمانی دایک دیاری کرد و بۆ یەکەمین جار لە ساڵی 2000 ئەم رۆژە وەک رۆژێکی مێژوویی و جیهانی یادی لێ کرایەوە. جێگەی ئاماژەیە کە هۆکاری دیاریکردنی ئەم رۆژە وەک رۆژی جیهانی زمانی دایک لە لایەن یۆنسکۆوە گەڕاوەتەوە بۆ گرینگی دان و هاوکاری کردنی فرە چەشنی و فرە رەنگی زمان و داب و نەریتەکان.

پشتراستکردنه‌وه‌ی حوکمی ئێعدامی ١٢٠ زیندانی له‌ زیندانی به‌نده‌رعه‌باس

به‌ پێی راپۆرتی هه‌واڵده‌رییه‌کان، حوکمی ئێعدامی ١٢٠ زیندانی له‌ زیندانی ناوه‌ندی به‌نده‌رعه‌باس له‌ لایه‌ن دیوانی بالای ئێرانه‌وه‌ پشتراست کرایه‌وه‌. به‌ پێی وته‌ی زیندانیانی ئه‌و زیندانه‌، په‌روه‌نده‌ی ١٢٠ که‌س له‌و زیندانییانه‌ی که‌ به‌ ئێعدام مه‌حکوم کرابوون بۆ پێداچوونه‌وه‌ نێرداوه‌ته‌ دیوانی بالای رژێم که‌ ئه‌و حوکمانه‌ له‌ لایه‌ن ئه‌و دیوانه‌وه‌ پشتراست کراوه‌ته‌وه‌. جێگه‌ی باسه‌ که‌ له‌ ماوه‌ی رۆژانی رابردوو له‌ زیندانی ناوه‌ندی به‌نده‌رعه‌باس ده‌ست کراوه‌ به‌ به‌رێوه‌بردنی حوکمی ئێعدامی بێره‌حمانه‌ له‌و زیندانه‌. که‌ به‌ پێی ئه‌م راپۆرته‌ له‌ رۆژی سێشه‌ممه‌ی رابردوو شه‌ش که‌س له‌و زیندانه‌ له‌ سێداره‌ دران و پێشتریش پێنج زیندانی ئێعدام کرابوون.

هۆکارەکانی بەفەرمی نەناسینی خەتی "بریل"‌ی کوردی

ئیدارەی گشتیی خاوەنداریەتیی پیشەیی حکوومەتی ئێران دژایەتیی لەگەڵ بەفەرمی ناسینی خەتی "بریل"‌ی کوردی کە لەلایەن چالاکێکی فەرهەنگی کوردی خەڵکی شاری بۆکانەوە دروست کرابوو، دەربڕی و رێگری لەتۆمار کردنی کرد.

به‌شداری هه‌یئه‌تێکی ناوه‌ندی لاوانی خه‌بات له‌ مه‌راسمی ٦٨مین ساڵیادی دامه‌زراندنی یه‌کیه‌تی لاوانی دیموکراتی کوردستانی ئێران

رۆژی چوارشه‌ممه‌ ٣٠ ی رێبه‌ندانی ١٣٩٢، له‌سه‌ر بانگهێشتی یه‌کیه‌تی لاوانی دیموکراتی کوردستانی ئێران، هه‌یئه‌تێکی ناوه‌ندی لاوانی خه‌باتی کوردستانی ئێران.

بۆ جێژنی باڵغ‌بوونی کچان لە تیکاب پارە لە قوتابیان وەردەگیرێت

قوتابیانی قوتابخانەکانی ناوچەی تیکاب سەرلەنوێ، لەلایەن بەرپرسانی قوتابخانەکانەوە بە بیانوویەکی دیکە، پارەیان لێ ئەستێندرا.
بەپێی راپۆرتی هەواڵدەریی کوردپاØ› قوتابخانەکانی ناوچەی تیکاب بە بۆنەی جێژنی "تەکلیف (باڵغبوون)"ی کچان، داوای ٢٠ هەزار تمەن پارەیان لە قوتابییان کردووە. سەرچاوەیەکی ئاگادار لەو مەسەلەیە رایگەیاندØ› بەرپرسی قوتابخانەکان وتوویانە کە دەبێ ئەو بڕە پارەیە بۆ تێچووی بەڕێوەبردنی رێوڕەسمی جێژنی باڵغبوونی کچان بە قوتابخانەکان بدەن. لە ئایینی ئیسلام‌دا کچان لە تەمەنی ٩ ساڵییەوە ئەرکە ئایینییەکانیان لەسەر فەڕز دەبێت و لە ماوەی چەند ساڵی رابردووشدا لە زۆربەی قوتابخانە و مزگەوتەکان ئەو رێوڕەسمە بە بەشداریی مامۆستایانی ئایینی بۆ کچان بەڕێوەچووە. پێشتریش لە سەرەتای مانگی بەفرانباری ئەمساڵدا بەرپرسانی قوتابخانەکانی ناوچەی تیکاب بڕی ٢٠ هەتا ٣٠ هەزار تەمەن پارەیان بابەتی دابین کردنی سووتەمەنیی قوتابخانەکان، لە قوتابیان ئەستاندبوو.

مانگرتنی حەوت زیندانیی سیاسی بە نیشانەی ناڕەزایەتی دەربڕین بە راگوێزرانی هاوبەندییەکانیان

ژمارەیەک لە زیندانیانی سیاسیی زیندانی رەجایی شاری کەرەج، بە نێشانەی ناڕەزایەتی دەربڕین بە راگوێزرانی هاوبەندییەکانیان بۆ ژووری تاکە کەسی، مانیان لە خواردن گرت. بەپێی راپۆرتی هەواڵدەریی کوردپاØ› رۆژی رابردوو، زیندانیانی سیاسیی بەندی ٤ی ساڵۆنی ١٢ی رەجایی شاری کەرەج لەلایەن مەئموورانی ئەمنیەتیی نێو زیندانەوە هێرشیان کرایە سەر و دوو چالاکی سیاسی بۆ ژووری تاکەکەسیی زیندان راگوێزران. لە ئەنجامی هێرشی ئەو مەئموورانەدا دوو زیندانیی سیاسی بەناوەکانی رەسووڵ بوداغی و شاڕۆخ زەمانی بۆ ژووری تاکە کەسیی نێو زیندان راگوێزران و چالاکێکی بەهاییش بەناوی ئەمانوڵڵا موستەقیم، رەوانەی بێهداریی نێو زیندان کرا. هاوکات لەگەڵ راگواستنی ئەو دوو گیراوە سیاسییە بۆ ژووری تاکە کەسیی زیندان، حەوت گیراوی دیکەی سیاسی بە نیشانەی ناڕەزایەتی دەربڕین بەو هەڵوێستەی مەئموورانی نێو زیندان مانیان لە خواردن گرت. جێگه‌ی باسه‌ که‌ چالاکانی مافی مرۆڤ و دێمۆکراسی لە ئێران بڵاوی کردۆتەوە، زیندانیانی سیاسیی بەندی ٤ی ساڵۆنی ١٢ی رەجایی شاری کەرەج بەرەوڕووی لێدان و سووکایەتی و جوێن پێدانیش بوونەتەوە.

به‌رێوه‌چوونی دووهه‌مین کۆری گشتی ناوه‌ندی لاوانی سازمانی خه‌بات ی کوردستانی ئێران!

رۆژی هه‌ینی ٢٥ی رێبه‌ندانی ١٣٩٢، دووهه‌مین کۆری گشتی ناوه‌ندی لاوان به‌ ئاماده‌ بوونی ئه‌ندامانی ده‌سته‌ی به‌رێوه‌به‌ری و به‌شێک له‌ ئه‌ندامانی ناوه‌ندی لاوان به‌رێوه‌چوو.

تێکهه‌ڵچوونی لاوانی توره‌ی دزفولی له‌گه‌ڵ هێزه‌ ئه‌منییه‌تییه‌کان ئاوردانی پۆمپ به‌نزینێکی لێ که‌وته‌وه‌

به‌ پێی راپۆرتی هه‌واڵده‌رییه‌کان، له‌ ناوو شاری دزفول ده‌نگی ته‌قه‌ ده‌بیسترێت، خه‌ڵکی توره‌ی دزفول له‌ تێکهه‌ڵچوونێکدا له‌گه‌ڵ هێزه‌ جیتایه‌تکاره‌کانی رژێمی ئاخوندی پۆمپ بنزینێکیان له‌ شه‌قامی مۆده‌رێس ئاور تێبه‌ردا. به‌ پێی ئه‌م راپۆرته‌ رێژه‌ێکی زۆری له‌ نارازییانی به‌ختیاری له‌ شاره‌ دزفول له‌گه‌ڵ هێزه‌ سه‌رکوتگه‌ره‌کانی رژێمی ئاخوندی ده‌رگیر بوون. جێگه‌ی باسه‌ که‌ به‌ وته‌ی چه‌ند شاهێد حاڵێکی خۆجێیی، کۆمه‌ڵێک له‌ نارازییان چه‌کیان هه‌ڵگرتووه‌ و له‌گه‌ڵ هێزه‌کانی رژێم شه‌‌ڕ ده‌که‌ن

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

1 ساڵ و 6 مانگ و 20 ڕۆژ و 9 کاتژمێر و 37 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

1 ساڵ و 8 مانگ و 2 ڕۆژ و 2 کاتژمێر و 54 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

1 ساڵ و 8 مانگ و 14 ڕۆژ و 2 کاتژمێر و 28 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

1 ساڵ و 9 مانگ و 10 کاتژمێر و 33 خوله‌ک له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

1 ساڵ و 10 مانگ و 12 ڕۆژ و 9 کاتژمێر و 40 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

2 ساڵ و 21 ڕۆژ و 5 کاتژمێر و 4 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

2 ساڵ و 1 مانگ و 4 ڕۆژ و 5 کاتژمێر و 27 خوله‌ک له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر