lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

مانگرتنی 15 زیندانی سیاسی لە زیندانی رەجایی شار

15 زیندانی سیاسی زیندانی رەجایی شار لە نارەزایەتی بە گواستنەوەی 3 کەس لە هاوبەندییەکانی خۆیان بۆ ژوری تاکەکەسی مانیان لە خواردن گرت. بە پێی راپۆرتی هەواڵدەرییەکان، بە نیشانەی نارەزایەتی لەمەڕ گواستنەوەی سێ زیندانی بە ناوەکانی سەعید عابدینی، خالد حەردانی و مۆستەفا ئەسکەندەری بۆ ژوری تاکەکەسی لە رۆژی دووشەممە 19ی خاکەلێوە، 15 زیندانی سیاسی زیندانی رەجایی شاری کەرەج بە شێوەی هاوبەش مانیان لە خواردن گرتووە. دەگوترێت کە خالد حەردانی بە نەخۆشی زەخمی مەعیدە گیرۆدەیە و تاکوو ئێستا چەندین جار مەعیدەی خوێنرێژی کردووە.

کرانه‌وه‌ی به‌شی زمان و وێژه‌ی کوردی له‌ زانکۆی کوردستان

سه‌رۆکی زانکۆی کوردستان وتی: به‌شی زمان و وێژه‌ی کوردی له‌ زانکۆی کوردستان ده‌کرێته‌وه‌ و مانگی ڕه‌زبه‌ری ئه‌مساڵ خوێندکار وه‌رده‌گرێت. به‌پێی راپۆرتی هەوتاڵدەرییەکان، دوکتۆر فه‌ردین ئه‌خلاقیان ڕایگه‌یاند: به‌ ڕاگه‌یاندنی چارتی نوێی زانکۆی کوردستان له‌ ڕۆژه‌کانی کۆتایی ساڵی ڕابردوو، تێده‌کۆشین به‌پێی ئه‌م چارته‌ که‌موکوڕییه‌کانی زانکۆ له‌ بواری هێزی مرۆڤی و کارناس و لێژنه‌ی زانستی قه‌ره‌بوو بکرێته‌وه‌. ناوبراو له‌ کرانه‌وه‌ی به‌شی زمان و وێژه‌ی کوردی له‌ مانگی ڕه‌زبه‌ری ئه‌مساڵ هه‌واڵی دا و زیادیشی کرد: به‌ سه‌رنجدان به‌ ده‌وڵه‌مه‌ندی زمان و وێژه‌ی کوردی و پێشوازی خه‌ڵک و لاوان و فه‌رهه‌نگ دۆستان له‌م کاره‌ و جه‌ختکردنه‌وه‌ی له‌سه‌ر زمانی کوردی وه‌کوو سه‌رمایه‌یه‌کی نه‌ته‌وه‌یی، دانانی به‌شی زمان و وێژه‌ی کوردی له‌ ڕیزی کار و به‌رنامه‌کانی زانکۆی کوردستان دایه‌.

مادەی سڕکەر گیانی دوو هاووڵاتیی کوردی ستاند

لەشارەکانی روانسەر و ورمێ دوو گەنجی کوردی تووشبوو بە مادەسڕکەرەکان، گیانیان لەدەست دا. بەپێی راپۆرتی هەواڵدەریی کوردپا، رێکەوتی ١٩ی خاکەلێوە لاوێکی خەڵکی شاری روانسەر بە ناوی وەفا گوڵمحەمەدی تەمەن 18 ساڵ بە هۆی بەکارهێنانی مادەی سەنعەتیی سڕکەر لەیەکێک لەشاخەکانی دەورووبەری ئەو شارە کۆتایی بەژیانی هاتووە. بەپێی ئامارە فەرمییەکانی ناوەندی بەرەنگاربوونەوەی مادەسڕکەرەکان زیاتر لە یەک ملیۆن و ٤٠ ٠ هەزار موعتاد لە ئێراندا بوونی هەیە و ئەمە لەحاڵێکدایە کە ئامارە نافەرمییەکان باس لەبوونی چوار ملیۆن تووشبوو بە مادەسڕکەرەکان لەئێران دەکەن. هەر لەو پێوەندییەدا هاووڵاتییەکی دیکەی کوردی خەڵکی ناوچەی تەرگەوەر کە لەبەکارهێنەرانی مادە سڕکەرەکان بووە گیانی لەدەست داوە.نوورەدین حوسێن‌پوور خەڵکی ئاوایی "مەوانا"ی ورمێ بە مەبەستی وازهێنان لە بەکارهێنانی تریاک بردراوەتە کەمپەکانی تەرک و دەوترێت بەهۆی راوەستانی دڵییەوە گیانی لەدەست داوە.

پەیامی هاوبەشی رێکخراوی ئافرەتانی خەباتی کوردستانی ئێران و رێکخراوی لاوانی خەباتی کوردستانی ئێران بەبۆنەی جێژنی نەتەوەیی نەورۆز و ساڵی نوێی کوردی

بەشداری بەرپرسی پەیوەندیەکانی رێکخراوی لاوانی خەباتی کوردستانی ئێران لە کۆبونەوەی ئەندامان و لایەنگرانی سازمانی خەبات لە شاری سلێمانی

رێکەوتی ٢٢ ی رەشەمەی ساڵی ١٣٩٣ کۆچی خۆری لە بنکەی پەیوەندییەکانی سازمانی خەبات ی کوردستان لە شاری سلێمانی بە بەشداری ژمارەیێک لە ئەندام و لایەنگران کۆبونەوەیەک بە مەبەستی رێکخستنەوەی کۆمیتەی لایەنگرانی سازمان بەشی سلێمانی و هەروەها بۆ باس لەسەر دوایین پێشهاتە سیاسیەکانی جیهان و ناوچەکە بە گشتی و کوردستان و رۆلی سازمانی خەبات لە ناوخۆ و دەرەوەی وڵات بە تایبەتی ساز درا.
سەرەتای کۆبوونەوەکە بە دەقیقەیێک وێستان بۆ رێزگرتن لە گیانی پاکی شەهیدان دەستی پێکرد. دواتر بەرێز کاک رەحمان پوورکەریمی بەرپرسی پێوەندیی سلێمانی سازمانی خەبات ی کوردستان قسەی کرد و بە گشتی وێنایێکی لەسەر سیاسەت و بەرنامەی سازمانی خەبات لە رابردوو و ئێستا پێش کەش بە ئامادە بووان کرد و یەکریزی و تەبایی ئەندامان و لایەنگرانی سازمان لەسەر بناغەی وەفاداریی بۆ رێبازی جەنابی مامۆستا سەیید جەلالی حوسێنی بە زامنی بەرەو پێش چوونی زیاتر و خزمەتی زیاتر بە گەل و نیشتمان زانی.
بەرێز کاک جەمال عەلی پوور ئەندامی دەستەیی بەرێوەبەری و بەرپرسی پەیوەندیەکانی رێکخراوی لاوانی خەباتی کوردستانی ئێران لەو کۆبوونەوەیەدا بەشداری کرد و لە برگەیەکدا کە تەرخان کرابوو بۆ بەرێزیان بابەتێکی سیاسی لەسەر دوایین رووداو و ئاڵوگۆرە سیاسیەکانی جیهان و ناوچەکە بەگشتی و ئێران و کوردستان بەتایبەتی پێش کەش کرد و لە بەشێک لە ووتەکانیشی دا تیشکی خستە سەر کۆنگرەی دووەمی رێکخراوی لاوانی خەبات (کۆنگرەی یەکریزی و سەرکەوتن) و لەسەر دوایین گۆرانکاری و بریارەکانی کۆنگرە کاروچالاکیەکانی رێکخراو بۆ بەشداربووان ئاخاوتوو و و پییان راگەیەندرا .
هەر لەو کۆبوونەوەیەدا چەندین بابەت و برگە پێشکەشکران لە کۆتایی کۆبوونەوەکەش خەڵاتی رێز لینان پێشکەش بە دایە ئامینە نادری دایکی دوو شەهیدی سەربەرزی سازمان بەناوەکانی شەهید مەلاعەلی و شەهید ساڵح رەسوڵی کرا و رێز لە هەوڵ و تێکۆشانی ئەو دایکە نیشتمانپەروەرە لەراست گەل و نیشتمان و سازمانی خەبات گیرا.

بەشداری ژمارەیەک لە ئەندامانی رێکخراوی لاوانی خەباتی کوردستانی ئێران لە مەراسیمی 8ی مارس رۆژی جیهانی ئافرەتان لە بەرلین

ڕۆژی شەممە ٧ی مارسی ٢٠ ١٥ لە شاری بەرلینی ئاڵمان بە بۆنەی 8ی مارس رۆژی جیهانی ئافرەتان گردبوونەوەێکی بەرفراوان بەرێوە چوو. ئەو گربوونەوەیە کە لە لایەن شۆرای میللی موقاومەتی ئێران رێکخرابوو تێیدا نوێنەرانی رێکخراوەکانی چالاک لە بواری ئافرەتان لە وەلاتانی جۆراوجۆر ئامادەبوون. هەیئەتێکی سازمان پێکهاتوو لە ئەندامانی سازمانی خەبات و ڕێکخراوی ئافرەتانی خەبات و لاوانی خەباتی کورردستانی ئێران بە سەرپەرشتی بەرێز کاک جەلال خوشکەلام ئەندامی کومیتەی ناوەندی سازمانی خەبات ی کوردستان ، بەشداری گردبونەوەی کۆمەڵگای ئافرەتی میللەتانی ئێرانیان کرد، کە تایبەت بوو بە ڕۆژی ٨ی مارس ، ڕۆژی جیهانی ئافرەتان.

دووابەدوای ٨ی مارس، ٤ چالاکی مەدەنی بانگهێشتی ئیتلاعات کران

دووابەدوای ٨ی مارس، ٤ چالاکی مەدەنی بانگهێشتی ئیتلاعات کران
ئیدارەی ئیتلاعاتی سەقز، ٤ هاووڵاتیی کوردی بە بیانووی بەڕێوبردنی رێوڕەسمی رۆژی جیهانی ژن بانگهێشت کرد. بە پێ راپوڕتی هەواڵدەریی کوردپا: ٤ کەس لە چالاکانی مەدەنی لە سەقز بە ناوەکانی سەید عەلی حۆسەینی، محەمەد فەرەجی و عێزەت حسینی بە هۆی بەڕیۆبردنی رێوڕەسمی رۆژی جیهانی ژن لە رۆژانی شەممە و یەکشەممە لە لایەن ئیدارەی ئیتلاعاتی ئەو شارە بانگهێشت ۆ لێپێچینەوەیان لێکرا. دەوترێت ئەو چالاکانە بو ماوەیەکی زۆر لە ژێر لێکۆڵینەوەی هێزە ئەمنیەتەکان بوون. پێشتریش موحەمەد عبدی پوور یەکێکی دیکە لە چالاکانی مەدەنی بۆ ئیدارەی ئیتلاعاتی شاری سقز بانگهێشت کراوە .

بەشداری رێکخراوی لاوانی خەبات لە ساڵیادی دامەزراندنی یەکێتی لاوانی دیموکرات

رۆژی پێنج ‌شەممە رێکەوتی ٣٠ ی رێبەندانی ١٣٩٣ی کۆچی خۆری، بە بۆنەی 69 یەمین ساڵیادی دامەزراندنی یەکێتی لاوانی دیموکراتی کوردستان رێورەسمێک بەرێوە چوو. هەیئەتێکی رێکخراوی لاوانی خەبات لەسەر بانگهێشتی رەسمی یەکێـتی لاوان کە پێکهاتبوون لەبەرێزان کاک سارۆ حسێنی و خاتوو سەحەر قاسمزادە ئەندامانی هەیئەتی بەرێوەبەری رێکخراوی لاوانی خەبات و هەروەها کاک کەماڵ هادی ئەندامی رێکخراوی لاوان لەو رێورەسمەدا بەشدارییان کرد و هەر بەو بۆنەوە پەیامی پیرۆزبایی خۆیان پێش کەش بە بەرێوەبەرانی رێورەسمەکە کرد.

بەشداری رێکخراوی لاوانی خەبات کوردستانی ئێران لە کۆنفڕانسی رێگای ئاشتی و دێموکراسی ،میانەڕەوی دژ بە توندڕەوی

رۆژی هەینی 24ی رێبەندانی 1393 کۆنفڕانسێک لە ژێر ناوی رێگای ئاشتی و دێموکراسی، میانەڕەوی دژ بە توندڕەوی، لە شارێ سلێمانی بەرێوە چوو. ئەم کۆنفڕانسە کە بە هاوکاریی رێکخراوی ئازادیی لاوان و کۆمەڵەی خوێندکارانی کوردستان ساز درابوو تێیدا رێکخراوی لاوانی خەبات بانگهێشت کرابوون. هەیئەتێکی رێکخراوی لاوانی خەبات بە سەرپەرشتی بەرێز کاک ئارام سلێمانی بەرپرسی رێکخراوی لاوانی خەبات ی کوردستان لەو کۆنفرانسەدا ئامادە بوون.
رۆژی کردنەوەی کۆنفرانس بە وتاری مەکتەبی پەیوەندییەکانی یەکیەتیی نیشتمانیی کوردستانەوە دەستی پێکرد و هەوەرها دواتریش وتاری سکرتێری لاوانی سوسیال دێموکراتی جیهان لەلایەن 'ئەڤین ئینجێر' و پاشان وتاری 'مەلا بەختیار'، کارگێڕی مەکتەبی سیاسیی یەکیەتیی نیشتمانیی کوردستان پێشکەش کرا. دوایین ووتاریش وتاری لاوانی سوسیال دێموکراتی عەرەب بوو. لە ماوەی کاری دوو رۆژی کۆنفرانس 6 پانێل لە پێوەند بە مژاری کۆنفرانسەکە بەرێوەچوو کە تێیدا رێکخراوی لاوان لەرێگەی تێبینی و سەرەنجەکانیان بەشدارییان تێدا کرد.

راپۆرتی بەرێوەچوونی کۆنگرەی دووهەمی رێکخراوی لاوانی خەباتی کوردستانی ئێران (کۆنگرەی یەکریزی و سەرکەوتن )

رێورەسمی کردنەوەی دووهەمین کۆنگرەی ناوەندی لاوانی خەبات

2ی رێبەندان ساڵرۆژی دامەزراندنی کۆماری کوردستان پیرۆزبێت

دەستبەسەر کردنی 12 لاوی مەهابادی لە لایەن ئیتلاعاتی سوپای پاسدارانەوە

12 لاوی مەهابادی لە لایەن هێزەکانی ئیتلاعاتی سوپای مەهابادەوە بە بێ هیچ پاساوێک دەستبەسەر کرا. بە پێی راپۆرتی هەواڵدەریەکان، رۆژی هەینی 26ی بەفرانباری 1393، 12 کەس لە لاوانی مەهاباد لە لایەن ئیتلاعاتی سوپای ئەو شارەوە دەستبەسەر کراون. بە پێی ئەم راپۆرتە، ئیتلاعاتی سوپا لە وڵامی پرسیاری بنەماڵەی ئەو گیراوانە کە بۆچی رۆڵەکانیان دەستبەسەر کراوە? وتوویانە، ئەمانەوێت بزانین کە ئەمانە چکارەن. جێگەی باسە کە هەواڵەکان باس لەوە دەکەن کە ئەم 12 لاوە دەستبەسەر کراوە شەوی شەممە 27ی بەفرانبار بۆ ئیتلاعاتی شاری ورمێ گوازراونەتەوە و تاکوو کاتی بڵاو بوونەوەی ئەم هەواڵە هیچ زانیاریێک لەمەڕ ئەو گیراوانە بە بنەماڵەکانیان نەدراوە.

کوژرانی لاوێکی مەهابادی و رۆیشتنی چەند لاو بە خێزانەوە بە ناو ریزەکانی داعش

لە ماوەی رابردوودا ژمارەیەک لە لاوانی کوردی خەڵکی شارە جیاجیاکانی کوردستان روویان لە ریزەکانی داعش کردووەو چەند کەسێکیشیان لێ کوژراوە. بەپێی راپۆرتی هەواڵدەریی کوردپا، لاوێکی تەمەن ٢٢ ساڵەی خەڵکی مەهاباد، بە ناوی رەحیم بایەزیدی، کوری عومەری قالە رەش، کە بە مەبەستی جیهاد کردن رووی لە ریزەکانی داعش کردبوو، رێکەوتی ٢١ی بەفرانباری ئەمساڵ لە تێکهەڵچوونی نێوان چەکدارانی داعش و هێزەکانی پێشمەرگەدا لە شەنگال کوژرا. بە پێی ئەم راپۆرتە، ژمارەیک لاوی سەقزی، کە بەشێکیان خیزاندار بوون، لەژێر ناوی هیجرەت و جیهاد کردندا، چوونەتە نێو ریزەکانی داعش لە عێراق. سەرچاوەیەکی ئاگادار رایگەیاند، کە چەند رۆژ پێش ئێستا دوو کەس بەناوی فەرزاد محەمەدی و یەعقووب، کە خەڵکی گەڕەکی بەرد بڕانی شاری سەقز بوون، روویان لە نێو داعش کردووە. بە گوتەی ئەو سەرچاوەیە، فەرزاد محەمەدی هاوڕێ لەگەڵ ژنەکەی چۆتە نێو ریزەکانی داعش. جێگەی باسە کە لە ناوەڕاستی مانگی خەزەڵوەری ئەمساڵ لاپەڕەی پشتیوانانی خەلافەت لە تۆڕی کۆمەڵایەتیی فەیسبووک بلاوی کردبوویەوە، " لە ماوەی ١٠ مانگی رابردوودا ٢٣ لاوی کوردی خەڵکی شارەکانی بۆکان، مەهاباد، سەقز و جوانڕۆ کە بە "موهاجیر" ناوی بردبوون، روویان لە نێو خەلافەتی ئیسلامی کردووەو دەستبەجێ ٩ کەسیان خۆیان بۆ کردەوەی ئیستشهادی (خۆ تەقاندنەوە) ئامادە کردبوو".

سینه‌ماکاری کورد سامان حسین پوور خه‌ڵاتی مێهره‌جانی نیۆیۆرکی بۆ خۆی تۆمار کرد

خه‌ڵاتی مێهره‌جانی سه‌ربه‌خۆی نیۆیۆرک به‌ فیلمی "یه‌ک هیچ" له‌ ده‌رهێنانی ده‌رهێنه‌رێکی کورد بە ناوی سامان حسین پوور بەخشرا. به‌پێی راپۆرتی هەواڵدەریەکان، ئه‌مین مورادی، سه‌رۆکی حه‌وزه‌ی هونه‌ری پارێزگای کوردستان سه‌باره‌ت به‌م هه‌واڵه‌‌ ڕایگه‌یاند: کورته‌ فیلمی "یه‌ک هیچ" له‌ ده‌رهێنانی سامان حسێن پوور خه‌ڵاتی باشترین ده‌رهێنه‌ری میهره‌جانی فیلمی سه‌ربه‌خۆی Nielsenی نیۆیۆرکی مسۆگه‌ر کرد. ئه‌مین مورادی زیادی کرد: ئه‌م هونه‌رمه‌نده‌ گه‌نجه‌ی پارێزگای‌ کوردستان‌ وه‌کوو نوێنه‌ری سینه‌مای ئێران خه‌ڵاتی ئه‌م به‌شه‌ له‌ میهره‌جانه‌که‌ی ده‌ست هێناکه‌‌ به‌ ئامانجی تاوتوێ کردنی هونه‌ری سه‌ربه‌خۆ بۆ هونه‌رمه‌رندانی سه‌ربه‌خۆ به‌‌ڕێوه‌چووه‌. مۆرادی وتیشی: کورته‌ فیلمه‌ هه‌ڵبژاردراوه‌کان پاش هه‌ڵسه‌ڵگاندن له‌ ماڵپه‌‌ڕی میهره‌جانه‌که‌ بڵاو ده‌کرێته‌وه‌ و کورته‌ فیلمی "یه‌ک هیچ" له‌ به‌رهه‌مه‌کانی حه‌وزه‌ی هونه‌ری پارێزگای کوردستان و له‌ ده‌رهێنانی سامان حسێن پوور له‌م میهره‌جانه‌دا به‌شدار بوو و له‌گه‌ڵ کورته‌ فیلمی وڵاتانی ئه‌ڵمانیا، ڕووسیا، سویس و هوڵه‌ند، ئه‌مه‌ریکا، مه‌کزیک و ئۆکرانیا ڕکابه‌ری کرد.

هێزە ئیتلاعاتییەکان ٤ لاوی کوردیان لە بۆکان و مەهاباد دەستبەسەر کرد

چوار هاووڵاتی کوردی خەڵکی شارەکانی بۆکان و مەهاباد لەلایەن هیزە ئیتلاعاتییەکانی رژێمی ئاخوندیەوە دەستبەسەر و رەوانەی شوێنێکی نادیار کران. بەپێی راپۆرتی هەواڵدەریی کوردپا، لە درێژەی رەوتی بەردەوامی دەستبەسەرکردنی لاوانی کورد لە کوردستان، چوار هاووڵاتیی کورد بە ناوەکانی سلێمان کوردی - کوڕی رەحمان، کەیوان تەهازادە- کوڕی عوسمان، کەماڵ ئەحمەدزادە â€“ کوڕی رەحیم سێ لاوی خەلکی گوندی گامێشگۆلیی ناوچەی ئاڵەشینی بۆکان و کەسێکی دیکەش بەناوی هەڵمەت â€“ کوری محەمەد و خەلکی قەرەگۆلی سەربە ناوچەی چۆمی مەجیدخانی بۆکان ناوی ئەو چاو هاووڵاتییە کوردەیە کە لەلایەن مەئموورانی ئیدارەی ئیتلاعاتی شاری میاندواوەوە دەستەبسەر کراون. هەتا کاتی بڵاوبوونەوەی ئەم هەواڵە، هۆکاری دەستبەسەر کران و شوێنی راگیرانیان بۆ بنەماڵە و کەسوکاریان روون نەبۆتەوە.

کۆڵبەرێکی کورد بە تەقەی پاسگای سنووریی سەڵماس کوژرا

هێزە چەکدارەکانی رژێمی ئاخوندی ئیران لە ناوچەی سەڵماس، بە دەستڕێژی چەکەکانیان کۆڵبەرێکی کوردیان کوشت. بەپێی راپۆرتی هەواڵدەریی کوردپا، هاووڵاتییەکی تەمەن ٣٠ ساڵەی کورد بەناوی ئازاد ئەتمانی کوڕی ئەفرووز، لە ئەنجامی دەستڕێژی هێزە ئینتزامییەکانی شاری سەڵماسدا گیانی لەدەست دا. ئەو کۆڵبەرە کوردە لە کاتی نزیک بوونەوە لە سنووری نێوان ئێران â€“ تورکیا، لەلایەن ‌هێزە چەکدارەکانی رژێمی ئێرانەوە بە شێوەی راستەوخۆ تەقەی لێکراوە. زۆرێک لە کۆڵبەرانی کورد لە ناچە سنوورییەکان لەلایەن هێزە چەکدارەکانەوە بە شێوەی ئەنقەست و بە قەستی کوشت تەقەیان لێدەکری و هیچ کەسێکی نیزامی یان ئۆرگانێکی حکوومەتی بەرپرسیارەتیی خۆی لەو تەقە کردنانە بە ئەستۆ ناگرێ.

لە مەریوان کۆنگرەی شاعیری "گڵکۆی تازەی لەیل" بەڕێوە دەچێت

بە بەشداریی چالاکانی فەرهەنگی و ئەدەبیی کوردستان و ئێران، کۆنگرەی "ئەحمەد بەگی کۆماسی" لە مەریوان دەستی پێکرد. بەپێی راپۆرتی هەواڵدەریی کوردپا، کۆنگرەی یادکردنەوەی شاعیری ناوداری کورد، ئەحمەد بەگی کۆماسی ناسراو بە خاڵۆی کۆماسی، لە کاتژمێر ٩ی سەرلە بەیانیی ئەمڕۆوە لە تەلاری فەرهەنگ و هونەری مەریوان دەستی پێکرد و هەتا پاشنیوەرۆی رۆژی هەینی، رێکەوتی ٥ی بەفرانبار بەردەوام دەبێت. بەپرسی ئەو کۆنگرەی ئەدەبییە لە لێدوانێکدا وێڕای ئاماژە کردن بە گەیشتنی ٣٥ وتار بۆ بەرێوەبەرایەتیی ئەو کۆنگرەیە، رایەگەیاندØ› لە ماوەی ٢ رۆژی بەڕێوەچوونی کۆنگرەکەدا، ١٦ وتار دەخوێندرێتەوەو لەلایەن توێژەر و لێکۆڵەرانەوە شڕۆڤە و تاوتوی دەکرێن. لە دەستپێکی کۆنگرەکەدا فیلمێکی دیکیۆمێنتاری لەسەر ژیان و بەرهەمە ئەدەبی و زانستییەکانی ئەحمەدبەگی کۆماسی نمایش کرا، کە لە لایەن (پەرویز رۆستەمی)یەوە ئامادەکرابوو. نووسەران و ئەدیبانی کورد لە شارەکانی سەقز، سنە، مەهاباد، کرماشان، تاران، ئیلام، لوڕستان و خۆراسانەوە بەشدارییان لە کۆنگرەکەدا کردووە، کە دوکتور محەمەدعەلی سوڵتانی لەسەر دیوانی شێعریی خاڵۆی کۆماسی چەن وتەیەک پێشکەش دەکات.

قوربانیانی ئیبۆلا حه‌وت هه‌زاری‌ تێپه‌‌ڕاند

رێکخراوی ته‌ندورستیی جیهان ئامارێکی نوێی بڵاوکرده‌وه‌ سه‌باره‌ت به‌ قوربانیانی په‌تای ئیبۆلا و رایگه‌یاند که‌ ئاسته‌که‌ له‌ به‌رزبوونه‌وه‌دایه‌. بە پێی راپۆرتی هەواڵدەریەکان، له‌ راپۆرتێکدا که‌ سایتی سی ئێن ئێن ناوه‌‌ڕۆکه‌که‌ی بڵاوکردووه‌ته‌وه‌، رێکخراوی ته‌ندروستیی جیهانی ئاشکرایکردووه‌، تا 30ی سەرماوەزی 1393 حه‌وت هه‌زار و 588 که‌س به‌هۆی په‌تای ئیبلاوه‌ گیانیان له‌ده‌ستداوه‌.راشیگه‌یاندووه‌ که‌ 19 هه‌زار و 947 که‌س هه‌ڵگری ئه‌و نه‌خۆشییه‌ن و زۆرترین زیانیش به‌ر لیبری و غینیا و سیرالیۆن که‌وتووه‌.به‌پێی راپۆرته‌که‌ی ئه‌و رێکخراوه‌ ته‌نیا له‌و سێ وڵاته‌دا حه‌وت هه‌زار و 573 که‌س به‌هۆی ئیبلاوه‌ گیانیان له‌ده‌ستداوه‌ و 19 هه‌زار و 463 که‌یسش تووشی په‌تاکه‌ بوون.

ئازادانی جەستەیی قوتابییەکی سنەیی لەلایەن مامۆستاکەیەوە، بووە مانشێتی میدیاکان

قوتابیی یەکێک لەقوتابخانەکانی سنە بەهۆی خۆبواردنی لە پۆشینی جلی وەرزشی لەلایەن مامۆستاکەیەوە بە توندی دراوەتە بەر لێدان.بەپێی راپۆرتی هەواڵدەریی کوردپا، مامۆستای یەکێک لە قوتابخانەکانی سنە هەتا سەرە مەرگ قوتابییەکی داوەتە بەر لێدان و ئەو قوتابیەی پۆلی شەشی سەرەتاییە حەوز و پەراسۆکانی تووشی ئەستوور بوون و برینداری بووە. ئەو رووداوە لەیەکێک لە قوتابخانەکانی ناوچەی سنە رووی داوە و لەماوەیەدا بە بەردەوامی لە تۆڕەکۆمەڵایەتییەکان قسە و لێداونی لەسەر کراوە. باوکی ئەو منداڵە تەمەن ١٢ ساڵەیە خۆی لەناو هێنانی قوتابخانە و مامۆستاکە بواردووە، بەڵام هەواڵدەریی فارس رایگەیاندووە، ناوەندە پێوەندیدارەکان لەحاڵی بەدواداچوون بەو پرسەن. جێگەی باسە کە لە ئاین نامەی ئینزباتی قوتابخانەکاندا تەمێ‌جەستەیی قەدەغە کراوە بەڵام لێژنەی توێژینەوە و فەرهەنگی دیوانی دادپەروەری ئیداری ماوەیەک لەمەوبەر تەمێ‌جەستەیی بە بیانووی شەرعی بووون بە باش زانیبوو.

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

2 ساڵ و 3 مانگ و 29 ڕۆژ و 1 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

2 ساڵ و 5 مانگ و 10 ڕۆژ و 17 کاتژمێر و 17 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

2 ساڵ و 5 مانگ و 22 ڕۆژ و 16 کاتژمێر و 52 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

2 ساڵ و 6 مانگ و 9 ڕۆژ و 56 خوله‌ک له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

2 ساڵ و 7 مانگ و 21 ڕۆژ و 3 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

2 ساڵ و 9 مانگ و 29 ڕۆژ و 19 کاتژمێر و 27 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

2 ساڵ و 10 مانگ و 12 ڕۆژ و 19 کاتژمێر و 51 خوله‌ک له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر