lawan

ڕێکخراوی لاوانی خه‌باتی کوردستانی ئێران
Iranian Kurdistan Khabat Youth Organization

کچ و کوڕێک لە مەریوان و سەوڵاوا، ئاگریان لە خۆیان بەردا

لە دوو رووداوی جیاجیادا کچ و کوڕێک ناوچەکانی مەریوان و سەوڵاوا ئاگریان لە جەستەی خۆیان بەردا و کۆتاییان بەژیانی خۆیان هێنا. بەپێی راپۆرتی هەواڵدەریی کوردپا، کچێکی تەمەن ٢٠ ساڵ بەناوی فەریدە و کچی حەبیبوڵڵا، کە خەڵکی گوندی "ئاڵمانە"ی سەربە شاری مەریوان بووە، بەهۆی فشاری کۆمەڵایەتییەوە ئاگری لە جەستەی خۆی بەرداو لە ئەنجامدا بووە هۆی گیان لەدەست دانی. بە گوتەی سەرچاوەیەکی ئاگادار، ئەو کچە تەمەن ٢٠ ساڵەیە، بەهۆی ئەوەیکە لەلایەن بنەماڵەکەیەوە بۆ پێکهێنانی ژیانی هاوبەش لەگەڵ خۆشەویستەکەی بەرەوڕووی ئاستەنگ ببوویەوە، حەفتەیەک پێش ئێستا ئاگری لەجەستەی خۆی بەردابوو، کە سەرئەنجام رۆژی سێ‌شەممە لە نەخۆشخانەی مەریوان و بەهۆی سووتانی لەسەدا ٩٠ ی جەستەی گیانی لەدەست دا. لەلایەکی دیکەوە کوڕێکی لاوی خەڵکی گوندی بێسارانی سەربە شارستانی سەوڵاوا، بەهۆی کێشەی خێزانییەوە بەنزینی بەسەرخۆیدا کردووەو ئاگری لەجەستەی خۆی بەرداوە، کە بەو هۆیەوە گیانی لەدەست داوە. سەرچاوەیەکی ئاگادار رایگەیاند، ئەو کوڕە، ویستوویەتی لەگەڵ خۆشەویستەکەی ژیانی هاوبەش پێک بێنێ، بەڵام باوکی ئەو کوڕە بەناوی "محەمەد یەعقوبی"، چوون بۆ سەربازیی کوڕەکەی کردووەتە مەرجی پێکهێنانی ژیانی هاوبەشی و لە ئەنجامدا کوڕەکەی خۆی سوتاندووە.

پەیامی ناوەندی لاوانی خەباتی کوردستانی ئێران بە بۆنەی 5ی خەرمانان 34مین ساڵرۆژی دامەزراندنی سازمانی خەبات ی کوردستانی ئێران!

دۆستان و ئەندامانی ئازادیخوازی سازمانی خەبات!
لاوان و ئەندامانی ناوەندی لاوانی خەباتی کوردستانی ئێران !

200 تۆن هاوکاری مرۆڤدۆستانه‌ی خه‌ڵکی کرماشان ڕه‌وانه‌ی ئاواره‌کانی هه‌رێم کرا

له‌ لایه‌ن خه‌ڵکی کرماشانه‌وه‌ 200 تۆن هاوکاری و یارمه‌تی بۆ ئاواره‌کانی هه‌رێمی کوردستان و شه‌نگال کۆ کرایه‌وه‌ و ڕاده‌ستی ئیداره‌ی قایمقامی هه‌ڵه‌بجه‌کرد. به‌پێی راپۆرتی هەواڵدەرییەکان به‌ دوای هێرشه‌کانی گروپی توندڕه‌وی ده‌وڵه‌تی ئیسلامی عێراق و شام(داعش) بۆ سه‌ر ناوچه‌کانی عێراق و هه‌رێمی کوردستان، ژماره‌یه‌کی زۆری ئاواره ‌له‌و ناوچانه‌ وبه‌تایبه‌ت کوردانی ئێزدی خه‌ڵکی شه‌نگال، ڕوویان کرده‌ هه‌رێمی کوردستان و که‌وتنه‌ دۆخێکی دژوار و مه‌ترسیدار. له‌ لایه‌ن زۆربه‌ی شاره‌کوردنشینه‌کانی ئێران و له‌وان، سنه‌، کرماشان، مه‌هاباد، جوانڕوو، مه‌ریوان و دیکه‌ی شاره‌کان خه‌ڵک هه‌ستان به‌ کۆ کردنه‌وه‌ی یارمه‌رتی بۆ هاوکاری کردنی ئاواره‌کانی هه‌رێم و که‌م کردنه‌وه‌ی زام و ئازاره‌کانیان. بە پێی ئەم راپۆرتە، لە لایەن خەڵکی کرماشانەوە زیاتر له‌ 3 میلیاردو 500 ڕیاڵ هاوکارییان بۆ ئاواره‌کانی هه‌رێم کۆ کردۆته‌وه‌. جێگەی باسە یارمه‌تییه‌کان بریتین له‌ خۆراک له‌وان، برنج، ماکارۆنی، قه‌ند و شه‌کر، زیت و ....به‌ کێشی 200 تۆن له 17 لۆری بارکراوه‌ و له‌ ڕێگای سنووری شۆشمێ شاری پاوه‌ ڕه‌وانه‌ی هه‌رێمی کوردستانی عێراق کراوه‌.

پیاوێکی بەتەمەن لە پردێکەوە خۆی هەڵواسی

پیاوێکی تەمەن ٥١ ساڵەی خەڵکی پیرانشار، بەهۆکارێکی ناڕوون هەوڵی خۆکوژی داو لە ئەنجامدا بووە هۆی گیان لەدەست دانی. بەپێی راپۆرتی هەواڵدەریی کوردپا، هاووڵاتییەکی خەڵکی گەڕەکی شەهرەکی فەرهەنگییانی (١) لە پیرانشار، بەناوی فەتاح عەلی‌مورادی و تەمەن ٥١ ساڵ، رۆژی هەینی رێکەوتی ٣١ی گەلاوێژ کۆتایی بەژیانی خۆی هێنا. بە وتەی سەرچاوەیەکی ئاگادار لەو رووداوە، فەتاح عەلی‌مورادی لە پردی "قەڵاتێ"ی پیرانشارەوە خۆی هەڵواسیووەو بەوهۆیەوە گیانی لەدەست داوە. هەر لەو رۆژەدا (٣١ی گەلاوێژ)، پیاوێکی تەمەن ٤٦ ساڵەی خەڵکی گوندی "قەڵاکۆن"ی سەربە ناوچەی فەیزوڵڵا بەگیی شاری سەقز بەهۆی کێشەی بنەماڵەییەوە کۆتایی بەژیانی خۆی هێنا.

5ی خەرمانان یادی 34 سالەی دامەزراندنی سازمانی خەباتی کوردستانی ئێران پیرۆزبێت

دوو لاوی دیواندەرەیی حوکمی زیندانی کرانیان بۆ برایەوە

ەزگای قەزایی رژێمی ئاخوندی ئێران لە شاری سنە، دوو لاوی کوردی بە زیندانی تەعزیری مەحکووم کرد. بەپێی راپۆرتی هەواڵدەریی کوردپا، دوو لاوی کوردی خەڵکی شارستانی دیواندەرە لە ئوستانی کوردستان بەناوەکانی "ئەمجەد عەلیزادە و عەبدوڵڵا، لەلایەن دادگای ئینقلابی شاری سنەوە بە زیندانیی تەعزیری مەحکووم کران. دادگای ئینقلابی شاری سنە، عەبدوڵڵای بە ٣ مانگ زیندانیی تەعزیری مەحکووم کردووەو هەتا ئێستاش روون نەبۆتەوە، کە دادگا چ حوکمێکی بۆ ئەمجەد عەلیزادە بڕیوەتەوە. ئەو دوو لاوە کوردە تۆمەتی "ئەندامەتی لە یەکێک لە حیزبە کوردییەکانی ئۆپۆزیسیۆنی رژێمی ئاخوندی ئێران"یان درابوویە پاڵ و بەو تۆمەتەش دادگایی کراون.

لاوێکی سەقزی بەدەستی کەسانی نەناسراو کوژرا

لاوێکی تەمەن ٢١ ساڵەی خەڵکی یەکێک لە گوندەکانی ناوچەی سەقز لەلایەن کەسانێکی ناسراوەوە، بە دەست و پێ بەستراوی کوژرا. بەپێی راپۆرتی هەواڵدەریی کوردپا، رۆژی رابردوو لاوێکی خەڵکی گوندی (جافرخان)ی سەربە بەخشی زێویەی سەقز، بە ناوی ئیبراهیم زارعی لەلایەن کەسانێکی نەناسراوەوە بەدەست و لاق بەستراوی، ملی کراوە بە دارەوە و کوشتوویانە. تەرمی ئەو لاوە کوردە لە کاتێکدا بە دەست و لاق بەستراوی بە دارێکەوە هەڵواسرابوو، لە پشت گوندی جافرخانەوە دۆزراوەتەوەو بۆ پشکنین و لێکۆڵینەوە رەوانەی پزیشکی دادوەریی شاری سنە کراوە. دەگوترێت، ئیبراهیم زارعی پێشتر ئەندامی یەکێک لە حیزبە کوردییەکانی ئۆپۆزیسیۆنی رژێمی ئاخوندی ئیران بووەو لە ماوەی رابردوودا گەڕاوەتەوە بۆ شاری سەقز.

بوومه‌له‌رزه‌ ئیلامی هه‌ژاند 250 که‌سیش بریندار بوون

وودانی چه‌ندین بوومه‌له‌رزه‌ له‌ پاره‌ێزگای ئیلام بوو به‌ هۆی ترسی خه‌ڵک و دواجار بوومه‌له‌رزه‌یه‌ک به‌ گوڕی 6.1 پله‌ به‌ پێوه‌ری ڕیشته‌ر بریندار بوونی 250 که‌سی لێکه‌وته‌وه‌ . به‌پێێ راپۆرتی هەواڵدەرییەکان، ڕووژی ڕابردوو له‌ هاوێری شاری ئابدانان سه‌ر به‌ پاڕێزگای ئیلام چه‌ندین بوومه‌له‌رزه‌ی یه‌ک له‌ دوای یه‌ک ڕووی دا وبوو به‌ هۆی ترس و نیگه‌رانی زۆری خه‌ڵک و دواتر سه‌ر له‌ به‌یانی ئه‌مڕۆ دووشه‌ممه‌ /27ی گه‌لاوێژ، بوومه‌له‌رزه‌یه‌کی دیکه‌ گوڕی 6.1 پله‌ به‌ پێوه‌ری ڕیشته‌ر ناوچه‌که‌ی هه‌ژاند. له‌مباره‌وه‌ که‌ره‌می، به‌‌ڕیوه‌به‌ری به‌شی قه‌یرانه‌کان له‌ ئیداره‌ی پارێزگای ئیلام ڕاگه‌یاند: ناوه‌ندی ئه‌م بوومه‌له‌زه‌یه‌ له‌ ناوچه‌ی مورموری ئابدانان بووه‌ که‌ کاتژمێر 07:02 ی سه‌رله‌به‌یانی به‌ قوڵی 10 کیلۆمه‌تر له‌ ژێر زه‌وی هاته‌ ئاراوه‌ و بۆته‌ هۆی ڕووخانی خانووکان له‌ گونده‌کانی ناوچه‌که‌. خه‌ڵکی ناوچه‌کانی ئابدانان و دێولۆرانی ئیلام شه‌وی ڕابردوو به‌ هۆی نیگه‌رانی و دڵه‌‌ڕاوکێ بوومه‌له‌رزه‌که‌ نه‌یانتوانی بچنه‌ ماڵه‌کانیان و له‌ شه‌قام و پارک و شوێنه‌ گشتییه‌کان مانه‌وه‌. هه‌روه‌ها هەواڵدەری حکومەتی هه‌مشه‌هری ئانلاین له‌مباره‌وه ‌رایگه‌یاند که‌ ژماره‌ی بریندارانی بوومه‌له‌زه‌که‌ گه‌یشتۆته‌ 250 که‌س و له‌ کاتژێری 9ی سه‌رله‌به‌یانیش پاش له‌رزه‌یه‌کی دیکه‌ به‌ گوڕی 6پله‌ به‌ پێوه‌ری ڕیشته‌ر له‌ ناوچه‌که‌ ڕووی داوه‌. بومه‌له‌رزه‌که‌ له‌ پارێزگاکانی لۆرستان، خوزستان و کرماشانیش هه‌ستی پێکراوه‌.

ئێعدامی بە کۆمەڵ لە زیندانی قەزەلحەسار

سەر لە بەیانی ئەمرۆ دووشەممە لانیکەم 10 زیندانی لە زیندانی قەزەلحەسار بە شێوەی بە کۆمەڵ لە سێدارە دران. بە پێی راپۆرتی هەواڵدەرییەکان، سەر لە بەیانی ئەمرۆ دووشەممە 27ی گەلاوێژی 1393 زیاتر لە 14 کەس لە زیندانیانی بەندەکانی 1 و 2ی زیندانی قەزەلحەسار بە مەبەستی بەرێوەبردنی حوکمی ئێعدام بۆ شوێنی لە سێدارەدانی ئەو زیندانە گواسترانەوە، بەڵام روون نەبووەتەوە کە هەموویان لە سێدارە دراون یان نە، بە پێی راپۆرتەکان لانیکەم 10 کەس لەو زیندانیانە ئێعدام کراون. جێگەی باسە کە ناو و چۆنیەتی لە سێدارەدانی ئەو زیندانیانە تاکوو ئێستا بڵاو نەکراوەتەوە.

سەرکەوتنی قوتابییانی ئیلامی لەبوارەکانی زانستی و وەرزشیدا

قوتابییانی کوردی ئوستانی ئیلام توانییان پلەی نایابی زانستی و وەرزشی لەئاستی ئێراندا بەدەست بێنن. بەپێی هەواڵی هەواڵدەریی کوردپا، کچ و کوڕێکی ئیلامی بە ناوەکانی نەرگس میرحۆسەینی و ئێحسان ناسری لە بواری رەکابەرییەکانی فەرهەنگی ـ هونەری قوتابییاندا، لە ئاستی ئێراند پلەی یەکەمیان ابەدەست هێنا

داعش 312 کوردی دیکه‌ی ئیزدی کۆمه‌ڵکوژ کرد

چه‌کدارانی داعش نه‌وه‌ستاون له‌ کۆمه‌ڵکوژ کردنی کوه‌ردانی ئێزدی و پاش ئه‌وه‌ی ده‌ستیان دایه‌ کۆمه‌ڵکوژ کردنی 80 پیاوی ئێزدی له‌ گو‌ندی کوچۆ، دیسانه‌وه‌ 312 پیاوی دیکه‌یان له‌و گونده‌ قه‌تلوعام کرد. به‌پێی راپۆرتی هەواڵدەرییەکان:

لە سێدارەدانی سێ زیندانی لە زیندانەکانی کرماشان و کرمان

بە پێی راپۆرتی هەواڵنێرانی بێ سنوور لە ئێران، سەر لە بەیانی رۆژی دووشەممە 20ی گەلاوێژ دوو زیندانی لە زیندانی کرماشان لە لایەن رژێمی ئاخوندییەوە لە سێدارە دران. بە پێی ئەم راپۆرتە ئەو دوو زیندانییە بە ناوەکانی حەمید ئەرسەلانی و سادق ئەحمەدی بە تاوانی کوشتنی بە ئەنقەست لە سێدارە دراون. لە لاێکیترەوە رۆژی یەکشەممە زیندانیێک لە زیندانی ناوەندی کرمان لە سێدارە دراوە. جێگەی باسە کە لە سێدارەدانی ئەو سێ زیندانییە تاکوو ئێستا لە هەواڵدەرییەکانی رژێمەوە بڵاو نەبووەتەوە.

ئەگەری جێبەجێ‌کردنی حوکمی سێدارەی دوو زیندانیی سیاسیی کورد

حوکمی سێدارەی زیندانییەکی سیاسیی کوردی خەڵکی شاری مەریوان لەلایەن دیوانی باڵای وڵاتەوە پشتڕاست کراوەتەوە و هەروەها زیندانیەیکی سیاسیی دیکەی خەڵکی ئەو شارە لە گرتووخانەی سنە مەترسیی لەسێدارەدانی لێدەکرێ‌. بەپێی راپۆرتی هەواڵدەریی کوردپا

خۆکوژی لاوێک لە ئیلام لە نارەزایەتی بە فشاری رژێمی ئاخوندی

سەنعەتگارێکی ئیلامی کە لە نارەزایەتی بە فشارە تاقەت پرۆکێنەکانی رژێمی ئاخوندی لە بەرانبەر بانک دەستی دابووە خۆسوتاندن گیانی لە دەست دا.

لاوێکی تەمەن ١٧ ساڵەی کورد لەلایەن هێزە نیزامییەکانەوە کوژرا

لاوێکی دیکەی کورد کە لەناوچە سنوورییەکانی پیرانشار سەرقاڵی کۆڵبەری بوو، لەلایەن هێزە نیزامییەکانی ئەو شارەوە دراوەتە بەر دەستڕێژی گولـلە و لە ئەنجامدا گیانی لەدەست داوە.

تاکوو ئێستا 7 هەزار ئیزەدی گیانیان لە دەست داوە

بەڕێوەبەری گشتیی کاروباری ئێزدییەکان لە وەزارەتی ئەوقاف ئاشکرای دەکات که‌ ئەو هاوکاری و کۆمەکەی بۆ ئێزدییەکان کۆکراوەتەوە زۆر کەمە و بەشیان ناکات، تا ئێستایش حەوت هەزار کەسیان گیانیان لەدەست داوە.

پەیامی ناوەندی لاوانی خەباتی کوردستانی ئێران بەبۆنەی رۆژی جیهانی لاوان

12ی ئاگۆستی هەمووسالێک لە جیهاندا بە رۆژی جیهانی لاوان دادەنرێت دیاری کردنی ئەم رۆژە بۆ 14 سال لەمەوبەر دەگەرێتەوە کاتێک لە سالی 2000رێکخراوی نەتەوەیەکگرتووەکان بەفەرمی 12ی ئاگۆستی بە رۆژی جیهانی لاوان دیاریکرا لەم رۆژەدا لاوان لە سەرانسەری جیهان ئەم یادە بەرز رادەگرن و لە زۆربەی ولاتانی جیهان چالاکی و کاری هەمەجۆر بەرێوە دەچێت . هەر بەوبۆنەیەوە ناوەندی لاوانی خەباتی کوردستانی ئێران گەرمترین پیرۆزبایی بە لاوانی نیشتیمان پەروەر و خۆراگری ئێران بەگشتی و کوردستان بەتایبەتی دەکات .

سایتی رەسمی سازمانی خەبات لە لایەن رژیمەوە هاک کرا

سەعات 10ی بەیانی رۆژی شەممە 18 ی گەلاوێژی 1393 بەرانبەر 11 ی ئاگوستی 2014 لە لایەن گروپێک کە خۆیان بە ئەرتەشی سایبێری حیزبوڵلای کوردستان ناساندوە، ماڵپەری ئەلکترۆنی سازمانی خەباتی کوردستانی ئێران هاک کرا.

سه‌ره‌تا 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

دوایین هەواڵەکان

پەیامی دەستەی بەڕێوەبەری بەبۆنەی ۱۱بانەمەڕ، ساڵڕۆژی دامەزراندنی رێکخراوی لاوانی خەبات

لاوانی خه‌بات

2 ساڵ و 4 مانگ و 2 ڕۆژ و 36 خوله‌ک له‌مه‌وپێش‌

ژنانی بوێر سەمبولی خۆڕاگری و مزگێنیدەری ئازادین

ڕێکخراوی لاوانی خەباتی کوردستانی ئێران

2 ساڵ و 5 مانگ و 14 ڕۆژ و 17 کاتژمێر و 52 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات, بەبۆنەی ۸ی مارس ڕۆژی جیهانی ژنان

ڕاگەیندراوی ڕێکخراوی لاوانی خەبات

2 ساڵ و 5 مانگ و 26 ڕۆژ و 17 کاتژمێر و 27 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی زمانی زگماگی

2 ساڵ و 6 مانگ و 13 ڕۆژ و 1 کاتژمێر و 31 خوله‌ک له‌مه‌وپێش‌

محەممەد مێهدی کەرمی و محەممەد حوسەینی لەسێدارەدران

لاوانی خه‌بات

2 ساڵ و 7 مانگ و 25 ڕۆژ و 38 خوله‌ک له‌مه‌وپێش‌

ڕاگەیندراوی ڕێکخراوی لاوانی خەبات بەبۆنەی ڕۆژی پێشمەرگەی سازمانی خەبات

لاوانی خه‌بات

2 ساڵ و 10 مانگ و 2 ڕۆژ و 20 کاتژمێر و 2 خوله‌ک له‌مه‌وپێش‌

٢٩هەمین رۆژی شۆرشی ژینا و کاردانەوە جیهانیەکان

2 ساڵ و 10 مانگ و 16 ڕۆژ و 20 کاتژمێر و 25 خوله‌ک له‌مه‌وپێش‌

لێره‌‌‌ ده‌‌‌رباره‌‌‌ی خۆتان بنووسن به کورتی

٢/ لینکی یوتوب

٣/ لینکی تویته‌‌‌ر